मलेसियाले अन्तर्राष्ट्रिय महिला टी-२० शृंखलाको पहिलो खेलमा नेपाललाई १०५ रनको लक्ष्य दिएको छ।
टस जितेर पहिले ब्याटिङ गरेको मलेसियाले निर्धारित २० ओभरमा पाँच विकेट गुमाउँदै १०४ रन बनाएको छ। मलेसियाका लागि कप्तान विनिफ्रेड डुरैसिंगमले सर्वाधिक २७ रन बनाइन् भने ओपनर ऐना हमिजा हसिमाले २६ रन बनाइन्।
यो समाचार तयार पारिरहँदासम्म नेपालका लागि सुमन विष्टले दुई तथा रूविना क्षेत्रीले एक विकेट लिएका छन्।
नेपाली महिला टोलीले आगामी जनवरीमा यहाँ आयोजना हुने टी–२० विश्वकपको ग्लोबल छनोट खेल्ने छ। त्यही प्रतियोगिताको तयारीस्वरूप नेपाल अहिले मलेसियामा प्रतिस्पर्धा गरिरहेको छ।
-1746009348.jpg)
