अभिनेता रमेश उप्रेतीले प्रस्तुत गरेको फिल्म ‘ऐश्वर्य’को टिजर सार्वजनिक भएको छ। फिल्मको प्रदर्शन कात्तिक ९ गते हुने निर्माण पक्षले जनाएको छ। सार्वजनिक टिजरमा गीत र द्वन्द्वका केही झलक प्रस्तुत गरिएको छ। फिल्ममा रमेश उप्रेती , दीपिका प्रसाईं, केकी अधिकारी , प्रशान्त ताम्राकार, अर्जुन श्रेष्ठ, निर्मल शर्मा, तेंजु योन्जन लगायतको अभिनय रहेको छ।
फिल्मको लेखन तथा निर्देशन दीवाकार भट्टराइले गरेका छन् भने फिल्मको छायाँकन सुदिप बरालले गरेका छन्। यसअघि फिल्मको गीत सार्वजनिक भइसकेको छ।
फिल्मको टिजर सार्वजनिक गर्दै प्रस्तुतकर्ता रमेश उप्रेतीले वितरकको आग्रहमा रिलिज मिति सारिएको बताएका छन्। उनले फिल्ममा नेपालको सुन्दरतासँगै नेपाली प्रविधिको पनि गुणस्तर बढाएर फिल्म बनाएको दाबी गरे।
यसैगरी फिल्मका लेखक तथा निर्देशक दीवाकर भट्टराईले फिल्ममा स्टारडम मात्र नदेखाई राम्रो विषयवस्तु दिन खोजिएको दाबी गरे। यसै फिल्मबाट डेब्यु गरेकी अभिनेत्री दीपिका प्रसाईंले फिल्मको कथावस्तु मन परेकाले यो फिल्म खेलेको बताउँदै सबैबाट पाएको प्रतिक्रियाले उत्साहित रहेको बताइन्।
https://youtu.be/2w6_-4LF2g4
