विवाद र उतारचढावका बीच मेक्सिकोकी फातिमा बोशले ७४ औं 'मिस युनिभर्स' (२०२५) को उपाधि जितेकी छन्। शुक्रबार थाइल्याण्डको राजधानी बैंककमा आयोजित विशेष समारोहमा उनलाई ताज पहिराइयो।
यस वर्षको संस्करण निकै विवादित रह्यो। २५ वर्षीया फातिमा नोभेम्बरमा तब चर्चामा आएकी थिइन्, जब आयोजकले उनलाई अन्य प्रतिस्पर्धीसामु हप्काएपछि उनी कोठाबाट बाहिरिएकी थिइन्। प्रतियोगितामा मिलेमतो भएको आरोप लगाउँदै दुई जना निर्णायकले राजीनामा समेत दिएका थिए।
यसपटकको आयोजना ‘मिस ग्रान्ड इन्टरनेसनल’ का संस्थापक थाई व्यवसायी नोवात इत्सराग्रासिलले गरेका थिए। विश्लेषकहरूका अनुसार प्रतियोगितामा देखिएको विवाद थाई र मेक्सिकन सञ्चालकहरूबीचको सांस्कृतिक तथा रणनीतिक मतभेदको नतिजा हो।
प्रतियोगितामा थाईल्यान्डकी प्रविना सिंहलाई उपाधिको प्रबल दाबेदार मानिए पनि उनी जित्न सफल भइनन्।
त्यस्तै, मिस इन्डिया मनिका विश्वकर्मा शीर्ष २० मा पनि पर्न सकिनन्। विवादकै बीच अर्गनाइजेसनकी सिइओ एन जाक्राजुतातिपले पदबाट राजीनामा दिएकी छन् भने उनको स्थान ग्वाटेमालाका मारियो बुकारोले लिएका छन्। 'मिस युनिभर्स' विश्वकै चर्चित सौन्दर्य प्रतियोगितामा पर्छ।
-1746009348.jpg)
