अभिनेता पल शाह र अभिनेत्री आँचल शर्मा अभिनित फिल्म 'जोनी जेन्टलम्यान'को ट्रेलर रिलिज भएको छ। भदौ ३० गते प्रदर्शनको तयारीमा रहेको फिल्मको निर्देशन नितिन चन्दले गरेका छन्।
ट्रेलरमा पल र आँचलको प्रेम, द्धन्द र बिछोडलाई समेटिएको छ। फिल्ममा पल शाह, आँचल शर्मा् बाहेक विकास जोशी, जैन कुँवर, सन्तोष शिलवाल गिरी अादिको मुख्य भूमिका रहेको छ। पल फिल्ममा जोनीको भूमिकामा छन्।
यसअघि पल र आँचल फिल्म नाइ नभन्नू ल ४ मा देखिएका थिए। उनीहरुको जोडीलाई दर्शकले खुबै रुचाएका थिए।
फिल्मको निर्माण एन्ड्रियु पौडेलले गरेका छन्। कार्यकारी निर्मातामा अजय मल्ल ठकुरी र सह निर्माताको रुपमा सन्जु शाह रहेका छन्।
https://youtu.be/4IzTM5mYsyc
