फिल्म 'निरफुल'मा अभिनेत्री रेखा थापा र अभिनेता दयाह्याङ राईको पहिलोपटक केमेस्ट्री देख्न पाइने भएको छ।संचारकर्मी फुलमान वलले निर्देशन गर्ने फिल्म 'निरफुल'को बिहिबार औपचारिक घोषणा गरिएको छ।
भुकम्प पीडितको कथामा फिल्म 'निरफुल' बन्न लागेको निर्देशक वलले बताएका छन्। 'निरफुल'को कथा मन परेकाले यस फिल्ममा खेल्न तयार भएको रेखा र दयाले बताएका छन्। यस फिल्ममार्फत दया र रेखा पहिलोपटक सँगै अनस्क्रीन देखिन लागेका छन्।
फिल्ममा रेखा र दयासँगै शान्ति वाइवा, जिग्मे छ्याइकी घिसिङ, पुष्कर गुरुङ, बुद्धि तामाङ, सरोज अर्याल, राजन खतिवडा, सरिता गिरी, लक्ष्मी वर्देवा लगायतका कलाकारको अभिनय रहनेछ निर्माण पक्षले जनाएका छन्।
