एसएन इनटरटेन्मेण्ट प्रालिले मिष्टर एण्ड मिस प्लानेट नेपाली सिजन–१ (सौन्दर्य प्रतियोगिता) गर्न लागेको छ।
प्रतियोगितामा १६ देखि २६ वर्षसम्मका युवाले सहभागिता जनाउन सक्ने छन्। अडिसनमा हरेक भेग र हरेक ठाउँका नेपाली सहभागी हुनसक्ने छन्। अडिसनको फर्म एसएन इनटरटेन्मेण्ट प्रालिको कार्यालय अनामनगरमा राखिएको छ।
अडिसनपछि उत्कृष्ट १५ युवक र १५ युवती छनोट गरी एक महिनासम्म व्यक्तित्व विकास, सौन्दर्यलगायत तालिम दिइने इभेन्ट म्यानेजर सुमी बानियाँले बताइन्। विजयी एक एक युवक र युवतीलाई नगद पुरस्कार, राष्ट्रियस्तरका कलाकार र व्यक्तिबीच सम्मान लगायत उपहार प्रदान गरिने प्रतियोगिता संयोजक राज न्यौपानेले बताए। रासस
