नेपालमा ५१ दिन मनाएको फिल्म 'होस्टेल ३' अब भारतमा प्रदर्शन हुने भएको छ।
सशान कँडेलको निर्देशनमा बनेको यो फिल्म आगामी सेप्टेम्बर ५ (भदौ २०) देखि सिक्किम, दार्जिलिङ, सिलगुडी, सिन्ताम, गुवाहाटी, आसाम, मणिपुरसहितमा रहेका ५० भन्दा बढी हलमा एकसाथ प्रदर्शन हुने भएको निर्माण पक्षले जनाएको छ।
भारतमा यसको वितरण गोर्खा फिल्म प्रोडक्सन र सुपर सिनेमाले गर्दैछन्।
'होस्टेल ३' मा पारस बम ठकुरी (कुलब्वाय), रिहान गिरी, पदम तामाङ, आशिष घिमिरे, सिम्रन पन्त, हेना नगरकोटी, समा पराजुली, उमर खान, सन्तोष बानियाँ, आशिष पुरूषलगायत कलाकारहरूको अभिनय छ। क्याम्पस जीवनका उतार–चढाव, प्रेम, मित्रता र संघर्षलाई मुख्य विषय बनाएर तयार गरिएको यस फिल्मले युवापुस्तामाझ विशेष चर्चा पाएको छ।
फिल्मका लेखक तथा एसोसियट निर्देशक माधव शर्मा हुन्। निर्माता सुरेश कँडेल र गोविन्द अधिकारी हुन् भने सह–निर्मातामा शिशिर ज्ञवाली, अनीश सिग्देल र कुन्दन गुप्ता रहेका छन्। शंकर कोइराला कार्यकारी निर्माता छन् भने कोसिस राज क्षेत्री लाइन प्रोड्युसर हुन्।
यो फिल्म नेपालमा गत फागुनमा रिलिज भएको थियो।
-1755241369.jpg)
-1746009348.jpg)
