गत वर्षको सुपरहिट मध्येको फिल्म 'छक्का पञ्जा ५' ओटिटी प्लेटफर्ममा रिलिज भएको छ।
नयाँ वर्ष २०८२ को पहिलो दिन सोमबारदेखि यो फिल्मलाई एमएसएम भिडिओ एपमा स्ट्रिमिङ गरिएको हो।
नयाँ–नयाँ नेपाली फिल्म हलमा आएको केही महिनामै यो एपमा रिलिज भइरहेका छन्।
दीपाश्री निरौला निर्देशित फिल्म 'छक्का पञ्जा ५' ले बक्स अफिसमा १५ करोड माथिको ग्रस कलेक्सन गरेको थियो। फिल्ममा दीपकराज गिरी, केदार घिमिरे, वर्षा सिवाकोटी, प्रकाश घिमिरे लगायतका कलाकारहरूको अभिनय छ।
यो फिल्म डिजिटल प्लेटफर्ममा पनि रूचाउने विश्वास गरिएको छ।
