प्रदर्शनरत फिल्म 'रंगी' को गीत 'उडिदेउ' सार्वजनिक भएको छ।
सोमबार ओएसआर डिजिटलको युट्युबबाट सार्वजनिक गीतमा अन्जान रानाभाटको स्वर छ।
यसको संगीत पनि रानाभाटकै हो। उनी र सौगात सापकोटाले शब्द लेखेका हुन् भने सम्रिक बादेको एरेन्ज छ।
भिडिओमा फिल्मका प्रमुख कलाकारहरु सलोन बस्नेत, नम्रता श्रेष्ठ, आयुषी ढकाल र सुमिन गुरूङको अभिनय छ। स्याड भर्सनको गीतमा सलोनले छोरी आयुषीका लागि गरेको संघर्षलाई देखाइएको छ।
सान्भी इन्टरटेनमेन्ट प्रालिको व्यानरमा निर्माण भएको फिल्म 'रंगी' सुरेश न्यौपानेले निर्देशन गरेका हुन्।
सक्षम सुवेदी, करिश्मा केसी बस्नेत र अनिश गौतम निर्माता हुन्।
फिल्म गत शुक्रबार रिलिज भएको हो।
