सुपरहिट फिल्म 'पूर्णबहादुरको सारंगी' का निर्देशक सरोज पौडेलले नयाँ फिल्म निर्देशनको घोषणा गरेका छन्।
उनको निर्देशनमा बन्न लागेको फिल्म हो, कोशेढुंगा। आइतबार फिल्मको थिम पोस्टर सार्वजनिक गर्दै उनले निर्माण घोषणा गरेका हुन्।
थिम पोस्टरमा बिहानी हुँदै गरेको माहोललाई पृष्ठभूमीमा राखेर एक महिना उभिएकी छन्। उनको अगाडि अग्लो रुख र पहाडी शैलीको घर छ। त्यसपछाडि पहाड देखिन्छ। पोस्टरले पहाडी जीवन छोडेर सपना पछ्याउन हिँडेको कथामा फिल्म बन्न लागेको संकेत गर्छ।
पोस्टरले 'कोसेढुंगा' सोसल ड्रामा हुने समेत संकेत गर्छ।
नरदेवी फिल्मसको प्रस्तुति रहने फिल्ममा हरि महत र प्रेविल कँडेल निर्माता छन्। दिनेश खड्का कार्यकारी निर्माता छन्। बाबु श्रेष्ठको डीओपी रहने फिल्म सुरेन्द्र पौडेलले सम्पादन गर्नेछन्। चलचित्रमा संगीत रिदम कँडेल र आशिष अविरलको रहनेछ।
कास्टिङ डिरेक्टर सुवलमणि सापकोटा रहनेछन्। फिल्मका गीतमा कविराज गहतराजको कोरियोग्राफी रहनेछ।
फिल्मको कथा, कलाकारबारे निर्माणपक्षले जानकारी दिएको छैन।
निर्देशक पौडेलले भने, 'पूर्णबहादुरको सारंगी जसरी दर्शकले मन पराउनुभयो, त्यसैगरी मन जित्ने फिल्म बनाउने प्रयासमा छौं।'
फिल्म २०८२ सालमा रिलिज हुने जनाइएको छ।
