काभा महिला भलिबल च्यालेन्ज कपमा नेपालले लगातार दोस्रो जित हात पारेको छ।
मंगलबार बंगलादेशलाई ३-० को सोझो सेटमा पराजित गर्दै नेपाल सेमिफाइनलमा प्रवेश गरेको छ।
त्रिपुरेश्वरस्थित राष्ट्रिय खेलकुद परिषदको कवर्ड हलमा भएको खेलमा नेपालले पहिलो सेट २५-१० ले जितेको थियो।
दोस्रो सेट २५-८ ले विजयी भएसँगै नेपालले खेललाई नियन्त्रणमा लियो।
तेस्रो खेलमा २५-९ ले अघि रहदै नेपाल सहजै विजयी भयो।
समूहमा नेपालले यसअघि किर्गिस्तानलाई हराएको थियो। आजै भारतले किर्गिस्तानलाई हरायो।
लगातार दुई खेलमा पराजित भएसँगै किर्गिस्तान र बंगलादेश बाहिरिए भने नेपाल र भारत अन्तिम चारमा पुगे।
समूहमा नेपाल, बंगलादेश, किर्गिस्तान र भारत छन्। नेपालले समूहको अन्तिम खेलमा बुधबार भारतसँग खेल्नेछ। खेलबाट समूह विजेतको टुंगो लाग्नेछ।
