काभा वुमेन्स भलिबल च्यालेन्ज कप २०२३ को ड्र सार्वजनिक भएको छ।
आगामी जेठ ६ देखि १५ गतेसम्म नेपालमा हुने प्रतियोगितामा नेपाल समूह ‘ए’ मा परेको छ।
नेपालको समूहमा छिमेकी भारतसहित बंगलादेश र किर्गिस्तान छन्। समूह ‘बी’ मा उज्वेकिस्तान, श्रीलंका, माल्दिभ्स र काजकस्तान छन्।
नेपाल र भारतले सन् २०१९ को डिसेम्बरमा नेपालमा आयोजना भएको साग गेम्सको स्वर्णका लागि भिडेका थिए।
त्यतिबेला नेपाल ३-२ को सेटमा पराजित भएको थियो।
त्यसपछि नेपाल र भारतबीच पहिलो पटक प्रतिस्पर्धा हुन लागेको हो।
भारतसहितका ८ टिमबीच हुने लागेको च्यालेन्ज कपअघि नेपालले एभिसी सेन्ट्रल जोनको प्रतियोगिता लगातार दुई पटक जितेको थियो।
