सातौं बिआइबी अन्तर विद्यालय बास्केटबल प्रतियोगितामा आयोजक बौद्ध इन्टरनेसनल स्कुल र विल्सन स्कुलबीच ब्वाइजको उपाधिका लागि प्रतिस्पर्धा हुने भएको छ।
बौद्धले सेमिफाइनलमा अक्षरिका स्कुललाई ६७-६१ अंकले हरायो। उसको जितमा आरोधन श्रेष्ठले ३० अंकको योगदान गरे।
विल्सनले अरुणिमालाई ६४-३४ अंकले हराएर फाइनलमा स्थान बनायो। उसका लागि रेहान डंगोलले ३४ अंक जोडे।
गर्ल्सतर्फको उपाधिका लागि एनसिसिएस र दिक्षालयबीच प्रतिस्पर्धा हुनेछ।
एनसिसिएसले सेमिफाइनलमा निस्ट ए लाई ३८-३५ र दिक्षालयले चाँदबागलाई ४८-२९ ले पराजित गरे।
दुवै फाइनल शुक्रबार आयोजक आयोजक बौद्ध इन्टरनेसनल स्कुलमा हुनेछन्।
