सातौं बिआइबी अन्तर विद्यालय बास्केटबल प्रतियोगिता आयोजक बौद्ध इन्टरनेसनल स्कुलका दुवै टोली क्वार्टरफाइनलमा पुगेका छन्।
१६ टोली सहभागी प्रतियोगितामा बौद्धको ब्वाइज र गर्ल्स अन्तिम आठमा पुगेका हुन्।
सोमबार ब्वाइजतर्फ टेरेसामाथि मातृभूमीले ६२-५६ अंकको जित निकल्यो। मातृभूमीका प्रसिद्ध रायमाझीले २७ अंक जोडे।
आयोजक बौद्ध इन्टरनेसनलले अनरुणीलाई ६७-३६ अंकले पराजित गर्यो। बौद्धको जितमा आरोधन श्रेष्ठले १९ अंकको योगदान दिए।
गर्ल्स मातृभूमीले मेडरियनलाई २३-७ ले हरायो। उसका लागि वर्षा कार्कीले सबैभन्दा बढी ११ अंक जोडिन्।
यस्तै ड्राफोडिलले टेरेसा एकेडेमीलाई ३१-१३ ले पराजित गर्यो। ड्राफोडिलकालागि प्रितिशा तामाङले १६ अंकको योगदान गरिन्।
