'खेल स्वास्थको लागि, खेलाडी राष्ट्रको लागि' भन्ने मुल नाराका साथ कागेश्वोरी मनहरा नगरपालिका काठमाडौंमा सेभेनए साइड फुटबल प्रतियोगिता सुरु भएको छ।
मनहरा नगरपालिका गोठाटार साबिक १ को आयोजना मा प्रथम सेभेनए साइड फुटबल प्रतियोगितामा सोमबार भएको खेलको सेमीफाइनलमा भैमाल बुल्स समुह विजयी हुँदै फाइनमा प्रवेश गरेको छ। भैमाल बुल्स र कागेश्वोरी टाइगर्सको खेलमा भैमाल बुल्स द्वारा ३-२ गोल अन्तरका साथ बिजय हुँदै फाइलनमा प्रवेश गरेको हो।
यसैगरि दोस्रो सेमीफाइनल खेलमा गोठाटार लाइनस र बाला पिठ पाइरट्सको खेल निर्धारित समय मा दुई दुई गोलको बराबरीमा पेनाल्टी शुट आउट दिइएको थियो। पेनाल्टीमा बाला पिठ पाइरट्स द्वारा ४-२ गोलमा गोठाटार लाइन्सलाई पराजित गर्दै फाइनलमा पुगेको छ।
फाइनल खेल यही असोज ११ गते बुधबार ३ बजे बाला पिठ पाइरट्स र भैमाल बुल्स बीच गोठाटारको एयरपोर्ट ग्राउण्डमा हुने आयोजकले जनाएको छ।
