एएफसी एसियन कप छनोटअन्तर्गत भियतनामविरूद्धको दुई खेलका लागि नेपाली राष्ट्रिय फुटबल टोलीको बन्द प्रशिक्षक मंगलबारदेखि सुरु हुने भएको छ।
बन्द प्रशिक्षणअघि प्रशिक्षक म्याट रसले प्रारम्भिक टोली घोषणा गरेका छन्। प्रारम्भिक चरणमा रसले ३३ खेलाडीलाई बोलाएका छन्।
एसियन कप छनोटमा नेपाल समूह ‘एफ’ मा छ। समूहमा नेपालसँगै मलेसिया, लाओस र भियतनामसँगै छन्।
नेपालले अहिलेसम्म समूह चरणमा दुई खेल खेलेको छ। तर दुवै खेलमा हार बेहोरेको कारण अंक जोड्न सकेको छैन।
नेपालले मलेसिया र लाओसविरूद्ध अवे खेलमा पराजय भोगेको थियो।
नेपालले छनोटको अब असोज २३ गते भियतनामसँग उसैको मैदानमा खेल्ने तालिका छ। त्यसको एक सातापछि नेपालमा भियतनामले खेल्ने तालिका भए पनि सो खेल मैदानका कारण नहुने भएको छ। असोज २८ हुने खेल पनि भियतनामै हुनेछ।
प्रारम्भिक टोली : किरण चेम्जोङ, विशाल सुनार, टेकेन्द्र थापा, अभिषेक लिम्बु, आदित्य शाक्य, अमित लामा, अनन्त तामाङ, अञ्जन बिष्ट, अञ्जल श्रेष्ठ, एरिक बिष्ट, आयुष घलान, बिमल पाण्डे, बिशाल सुनार, दिनेश हेञ्जन, दीपेन्द्र बिक, दीपेश गुरुङ, जिलेस्पी जंग कार्की, कृतिश छुन्जु, कुशल देउबा, लकेन लिम्बु, मणि लामा, मनिष डाँगी, निराजन धामी, रोहित चन्द, रोहन कार्की, समिर तामाङ, समित श्रेष्ठ, सनिश श्रेष्ठ, सन्तोष खत्री, सुभास बम, सुमन श्रेष्ठ, सुमित श्रेष्ठ, योगेश गुरुङ
-1758342751.jpg)
-1746009348.jpg)
