इंग्लिस प्रिमियर लिगमा म्यानचेस्टर सिटी उपाधि होडमा बलियो देखिएको छ।
सिटीले आइतबार राति भएको खेलमा साविक विजेता लिभरपुललाई ४-१ गोलले पराजित गर्यो।
पहिलो हाफ गोलरहित बराबरीमा सकिएको खेलमा गुन्डोगनले ४९ मिनेटमा गोल गरेर सिटीलाई अग्रता दिलाए।
लिभरपुलका लागि मोहमद सलाहले ६३ मिनेटमा पेनाल्टीमार्फत गोल फर्कायो।
खेलको ७३ मिनेटमा गुन्डोगनले व्यक्तिगत तथा टिमका लागि दोस्रो गोल गरे।
७६ मिनेटमा स्टर्लिङ र ८३ मिनेटमा फोडेनले गोल गरेपछि सिटी फराकिलो अन्तरको जिततर्फ अग्रसर भएको थियो।
लिगको अन्य खेलमा टोटेनहमले वेस्ट ब्रुमलाई २-० र चेल्सीले सेफिल्ड युनाइटेडलाई २-१ गोलले पराजित गरेका छन्।
लिगको अंक तालिकामा शीर्ष स्थानको सिटीले २२ खेलबाट ५० अंक जोडेको छ।
दोस्रो स्थानको म्यानचेस्टर युनाइटेडको २३ खेलबाट ४५ अंक रहेको छ।
तेस्रो स्थानको लेस्टरको ४३ अंक छ भने लिभरपुल ४० अंक जोडेर चौथो स्थानमा छ।
-1746009348.jpg)
