स्पेनिस ला लिगामा बार्सिलोनाले अंक तालिकाको अन्तिम स्थानमा रहेको टिम हुएस्कामाथि संघर्षपूर्ण जित हात पारेको छ।
बार्सिलोनाले आइबार राति भएको खेलमा १-० गोलको जित हात पारेको हो।
बार्सिलोनाको जितमा फ्रान्की डे जोङले गरेको गोल निर्णायक बन्यो। उनले खेलको २७ मिनेटमा लिओनल मेसीले उपलब्ध गराएको पासमा गोल गरेका थिए।
चोटका कारण अघिल्लो खेल गुमाएका मेसी खेलमा फर्किएसँगै बार्सिलोनालाई सहज भएको थियो।
जितसँगै बार्सिलोना अंक तालिकाको पाँचौ स्थानमा उक्लिएको छ। बार्सिलोनाले १६ खेलबाट २८ अंक बटुलेको छ।
बार्सिलोनासँग हारेको हुएस्का १७ खेलबाट १२ अंक जोड्दै अन्तिम स्थानमा छ।
यता लिगको शीर्ष स्थानमा रहेको एट्लेटिको म्याड्रिडले एलाभेसलाई २-१ गोलले पराजित गरेको छ।
एट्लेटिकोको जितमा लोरेन्टेले ४१ र लुइस सुआरेजले ९० मिनेटमा गोल गरेका थिए।
लिगमा एट्लेटिको १५ खेलबाट ३८ अंक जोड्दै शीर्ष स्थानमा छ। दोस्रो स्थानमा झरेको रियल म्याड्रिडको १७ खेलबाट ३६ अंक छ।
-1746009348.jpg)
