इंग्लिस प्रिमियर लिगमा म्यानचेस्टर सिटीले चेल्सीलाई ३-१ गोलले पराजित गरेको छ।
सिटीले चेल्सीलाई आइतबार राति भएको खेलमा उसकै घरेलु मैदानमा पराजित परको हो।
खेलको १८ मिनेटमा इल्केए गुन्डोगानले गोल गर्दै सिटीलाई अग्रता दिलाए। उनले फिल फोडेनको पासमा गोल गरेका थिए ।
२१ मिनेटमा फिल फोडेनले सिटीको अग्रता दोब्बर पारे। उनलाई गोल गर्न डि ब्रुयनले पास उपलब्ध गराए।
३४ मिनेटमा सिटीले तेस्रो गोल गर्यो। ब्रुयनले तेस्रो गोल गर्दा सिटी पहिलो हाफमा ३-० ले अघि रह्यो।
दोस्रो हाफको इन्जुरी समयको दोस्रो मिनेटमा चेल्सीका कलुम हड्सन ओडोइले गोल गरे पनि त्यो सान्त्वनामै सीमित बन्यो।
लिगको अर्को खेलमा लेस्टर सिटीले न्युकासल युनाइटेडलाई २–१ ले हराएको छ।
चेल्सीको पछिल्ला ६ खेलमा यो चौथो हार हो।
सिटी १५ खेलबाट २९ अंक जोडेर पाँचौ स्थानमा उक्लिएको छ भने चेल्सी १७ खेलबाट २६ अंक जोडेर आठौं स्थानमा झरेको छ।
यता जितसँगै लेस्टर १७ खेलबाट ३२ अंक जोडेर तेस्रो स्थानमा छ।
अंक तालिकाको शीर्ष स्थानको लिभरपुल र दोस्रो स्थानको म्यानचेस्टर युनाइटेडको समान ३३ अंक छ।
-1746009348.jpg)
