इंग्लिस प्रिमियर लिगमा चेल्सी र एस्टन भिल्लाले बराबरी खेलेका छन्। सोमबार भएको खेल १-१ गोलको बराबरीमा सकिएको हो।
खेलमा अग्रता चेल्सीले ३४ मिनेटमा जिरुडको गोलबाट लियो।
पहिलो हाफमा १-० गोलले पछि परेको भिल्लाका लागि ५० मिनेटमा अनवर एल घाजीले बराबरी गोल फर्काए।
यता लेस्टर सिटीलाई पनि क्रिस्टल प्यालेसले १-१ गोलकै बराबरीमा रोकेको छ।
लिगको अंक तालिकामा लिभरपुल १५ खेलबाट ३२ अंक जोड्दै शीर्ष स्थानमा छ।
दोस्रो स्थानमा उक्लिएको लेस्टरको १६ खेलबाट २९ अंक छ। १५ खेलबाट २९ अंक नै जोडेको एभर्टन तेस्रो स्थानमा छ।
चौथो स्थानको म्यानचेस्टर युनाइटेडको २७ अंक छ भने एस्टन भिल्ला २६ अंक जोडेर पाँचौ स्थानमा छ। २६ अंक नै जोडेको चेल्सी छैटौं स्थानमा रहेको छ।
सातौं र आठौं स्थानका टोटेनहम र म्यानचेस्टर सिटीले पनि समान २६ अंक बटुलेका छन्।
यता म्यानचेस्टर सिटी र एभर्टनबीचको सोमबारको खेल स्थगित भएको छ। खेल प्रिमियर लिगको बोर्ड बैठकपछि स्थगित भएको हो।
सिटीका खेलाडीमा कोभिड १९ संक्रमण देखिन थालेपछि खेल स्थगित गरिएको हो।
सिटीले सोमबार बिहान आफ्ना खेलाडीलाई कोरोना देखिएपछि खेल सार्न प्रस्ताव गरेको थियो। चार दिनअघि सिटीका गाब्रिएल जेसस र केल वाल्करलाई कोरोना संक्रमण भएको थियो।
-1754812957.jpeg)
-1746009348.jpg)
