नेपालको शीर्ष डिभिजनको लिग खेल्ने १३ ए डिभिजन क्लबले वर्षको सुरूमा एसियाली फुटबल महासंघ (एएफसी) ले प्रदान गर्ने एएफसी क्लब लाइसेन्सका लागि निवेदन दिएका थिए।
तर लाइसेन्स प्राप्त गर्नका लागि तोकिएको मापदण्ड पूरा हुन नसक्दा एएफसीले सबैलाई मान्यता दिएन।
गत वर्षको सहिद स्मारक ए डिभिजन लिगमा दोस्रो बनेको त्रिभुवन आर्मी क्लबले अपिल गरेपछि भने गत साता क्लब लाइसेन्स प्राप्त गर्न सफल भयो।
त्रिभुवन आर्मी क्लबले मान्यता पाँएसँगै अब आर्मीले मात्रै एएफसीका प्रतियोगितामा नेपालको प्रतिनिधित्व गर्न पाउने भएको छ। पाएको मान्यतालाई जोगाउन सहज छैन। कस्तो तयारी र स्तर आवश्यक हुन्छ त?
कुनै समय दक्षिण एसियामा बलियो मानिने नेपाली फुटबल पछिल्लो समय विभिन्न उतारचढावले गर्दा लयमा नदेखिनु तितो यथार्थ हो।
कहिले विनाशकारी महाभूकम्प त कहिले फुटबल भित्रको आन्तरिक किचलोले नेपाली फुटबल ओरालो लाग्दै गयो।
तर पनि विभागीय टोली हुँदा भएका पूर्वाधारले आर्मीले एएफसीको लाइसेन्स पाउन सक्यो।
अन्तर्राष्ट्रिय प्रतियोगितामा सहभागिता आर्मीका लागि चुनौती नहुने फुटबल विश्लेषक सञ्जीव मिश्र बताउँछन्।
फुटबल विकासका लागि शीर्ष डिभिजन लिग खेल्ने क्लबलाई एएफसी लाइसेन्स प्रदान गर्दै फुटबल अगाडि बढाउने हेतु राखेको एएफसीले नेपालको एक मात्र क्लब त्रिभुवन आर्मी क्लबलाई मान्यता दिँदा अन्य शीर्ष डिभिजनका क्लबले मापदण्ड पूरा हुन नसकेको अखिल नेपाल फुटबल संघका अध्यक्ष कर्मा छिरिङ शेर्पाले स्विकार गरे।
विभागीय टोली त्रिभुवन आर्मी पछिल्लो पटक सम्पन्न शहिद स्मारक ‘ए’ डिभिजन लिगको उपविजेता हो।
मोफसलका केही प्रतियोगितामा उपाधि जित्दै अन्य क्लबलाई बलियो चुनौति दिन आर्मीलाई अन्तर्राष्ट्रिय स्तरका क्लबसँग प्रतिस्पर्धा गर्न त्यति सहज भने छैन।
आर्मीमा राष्ट्रिय टोलीको जर्सी पहिरिने खेलाडी पनि समावेश भएका छन्। राष्ट्रिय तथा अन्तर्राष्ट्रिय स्तरका केही प्रतियोगितामा अनुभव बटुलिसकेका छन्। जसले गर्दा अन्तर्राष्ट्रिय प्रतियोगितामा सहभागि हुन बलियो पक्ष हुनेछ।
आर्मीले एएफसी कप २०२१ मा सहभागिता जनाउनेछ।
अब आर्मीले आगामी अप्रिलमा सुरू हुने कपको प्लेअफ चरणमा प्रतिस्पर्धा गर्नेछ।
दक्षिण एसिया क्षेत्रको समूहमा चार टिमबीच प्रतिस्पर्धा हुने नियम छ। जसमा तीन देशका टिमलाई सिधैं स्थान दिइएको छ। एक स्थानका लागि प्लेअफ खेल्नु पर्ने नियम छ।
दक्षिण एसियाको शीर्ष वरीयतामा रहेका भारत, बंगलादेश र माल्दिभ्सका एक–एक टिमले समूह चरणमा स्थान बनाइसकेका छन्।
एक स्थानका लागि प्लेअफ हुनेछ। प्लेअफमा पनि भारत, बंगलादेश र माल्दिभ्सका थप एक–एक टिमले स्थान पाउनेछन्।
यस्तै वरीयताको चौथो स्थानमा रहेको नेपाल, श्रीलंका र भुटानका एक–एक टिमले पनि प्लेअफ खेल्नेछन्। यसरी ६ टिमबीच हुने प्लेअफबाट एक टिमले दक्षिण एसिया क्षेत्रको समूहमा प्रतिस्पर्धा गर्न पाउनेछ।
एएफसीका लागि क्लब लाइसेन्स अनिवार्य भएकाले यसअघि नेपालको तर्फबाट कुनै पनि टिमको नाम दर्ता गरिएको थिएन।
गत वर्षको ए डिभिजन लिगमा रेलिगेनशन परेको सरस्वती क्लब बाहेक १३ ए डिभिजन क्लबले क्लब लाइसेन्सका लागि निवेदन दिएका थिए। तर १३ वटै क्लबको मापदण्ड नपुगेको भन्दै एएफसीले लाइसेन्स दिन अस्विकार गरेको थियो।
त्रिभुवन आर्मी क्लबले अपिल गरेपछि मात्र एएफसीले मंगलबार क्लब लाइसेन्स प्रदान गरेको हो।
आर्मीले गत वर्षको लिगमा दोस्रो स्थान हात पारेको थियो। फागुन पहिलो साता सकिएको लिगको अन्तिम खेलमा मच्छिन्द्र क्लबसँग पराजित भएपछि आर्मी लिगको उपाधि पहिलो पटक जित्नबाट बञ्चित बनेको थियो।
-1754812957.jpeg)
-1746009348.jpg)
