खुट्टाको चोटका कारण नेपाली राष्ट्रिय फुटबल टिमको प्रशिक्षण गुमाएका फरवार्ड विमल घर्तिमगर र मिडफिल्डर विक्रम लामाको कतारमा उपचार हुने भएको छ।
अखिल नेपाल फुटबल संघ (एन्फा) को पहलमा दुवै खेलाडीको उपचार कतारमा गरिने भएको हो।
एक वर्षपछि राष्ट्रिय टिममा फर्किएका विमल यहि महिना अभ्यासका क्रममा घाइते भएका थिए। यस्तै विक्रमको दुई वर्षअघि लागेको चोट बल्झिएको थियो।
एन्फाले दुवै खेलाडीको उपचारमा सहयोग गर्न गरेको आग्रहलाई कतार फुटबल एसोसिएसनले स्विकार गरेको थियो।
एन्फाका अनुसार दुवै खेलाडीको उपचार चोटको प्रकृति हेरेर कतारको विशेष अस्पतालमा हुनेछ।
एन्फाका अनुसार दुवै खेलाडीको उपचार कतारको एस्पटर अस्पतालमा हुनेछ। एप्सटर अर्थोपेडिक र स्पोर्टस् मेडिसिनको लागि विशेष अस्पताल हो।
लामा र घर्तिमगर दुवै नेपाली राष्ट्रिय फुटबल टिमका महत्वपूर्ण सदस्यको रुपमा रहँदै आएका थिए।
नेपालमा केहि महिनामा विश्वकप छनोटका खेल हुँदा दुवैले ती महत्वपूर्ण खेल गुमाउने भएका छन्।
-1754812957.jpeg)
-1746009348.jpg)
