'इटालियन सिरि ए' मा शीर्ष स्थानको एसी मिलानले लाजियोमाथि ३-२ को रोमाञ्चक जित हात पारेको छ।
दोस्रो हाफको इन्जुरी टाइममा मिलानका थियो हर्नान्डेजले गोल गर्दा मिलानले ३-२ को रोमाञ्चक जित हात पारेको हो।
त्यसअघि खेलको नवौं मिनेटमा रेबिक र १७ मिनेटमा चाल्हान्नोग्लुको पेनाल्टी गोलबाट मिलानले २-० को गोलको अग्रता लियो।
२७ मिनेटमा रोमेरोले लाजियोका लागि गोल फर्काए। ५९ मिनेटमा लाजियोका सिरो इमोबिलले अर्को गोल गर्दा खेल २-२ गोलको बराबरीमा आएको थियो।
लिगको अर्को खेलमा दोस्रो स्थानको इन्टर मिलानले भेरोनालाई २-१ ले पराजित गरेको छ।
लिगमा एसी मिलान १४ खेलबाट ३४ अंक जोड्दै शीर्ष स्थानमा छ। दोस्रो स्थानको इन्टर मिलानको ३३ अंक छ।
रोमा २७ अंक जोडेर तेस्रो र सासुओलो २६ अंकसहित चौथो स्थानमा छ। १३ खेल खेल खेलेको नेपोली २५ अंकसहित पाँचौ र १३ खेलबाट २४ अंक बटुलेको साविक विजेता युभेन्ट्स छैटौं स्थानमा छन्।
यता फ्रेञ्च लिग वानमा साविक विजेता पिएसजीले स्ट्रार्सवर्गलाई ४-० गोलले पराजित गरेको छ।
शीर्ष स्थानको लियोनले नान्टेसलाई ३-० र दोस्रो स्थानको लिलेले मोन्टपेलियरलाई ३-२ ले हराएका छन्।
लिगमा लियोन १७ खेलबाट ३६ अंक जोड्दै शीर्ष स्थानमा छ। दोस्रो स्थानको लिलेको पनि ३६ अंक नै छ। पिएसजी ३५ अंक जोडेर तेस्रो स्थानमा छ।
-1754812957.jpeg)
-1746009348.jpg)
