'इटालियन सिरि ए' अन्तर्गत साविक विजेता युभेन्ट्स पराजित भएको छ।
युभेन्ट्सलाई मंगलबार राति भएको खेलमा फियोरेन्टिनाले ३-० गोलले पराजित गरेको हो।
युभेन्ट्सको घरेलु मैदानमा भएको खेलमा फियोरेन्टिनाका भ्लाहोभिके तेस्रो मिनेटमै गोल गरे।
१८ मिनेटमा युभेन्ट्स १० खेलाडीमा सीमित बन्यो। युभेन्ट्सका जुवान क्वारड्राडोले रातो कार्ड पाउँदा युभेन्ट्स १० खेलाडीमा सीमित बन्यो।
गेइटानो कास्ट्रोभेल्लीमाथि फल गरेपछि सुरुमा पहेँलो कार्ड पाएका उनलाई पछि भिएआर रिभ्यू हेरेपछि रातो कार्ड दिइएको थियो।
७६ मिनेटमा युभेन्ट्सका लोबो सिल्भाले आफ्नै पोस्टमा गोल गर्दा युभेन्ट्स २-० ले पछि पर्यो। ८१ मिनेटमा कासेरेसले गोल गर्दै फियोरेन्टिनालाई ३-० गोलले अग्रता दिलाए।
हारसँगै साविक विजेता युभेन्ट्स चौथो स्थानमा झरेको छ। युभेन्ट्सले १३ खेलबाट २४ अंक जोडेको छ।
२४ अंक नै जोडेको नेपोली गोलअन्तरमा अघि रहँदै तेस्रो स्थानमा उक्लिएको छ। शीर्ष स्थानको एसी मिलानको ३१ अंक छ भने दोस्रो स्थानको इन्टर मिलानको ३० अंक रहेको छ।
फियोरेन्टिना १४ खेलबाट १४ अंक जोड्दै अंक तालिकाको १५औं स्थानमा छ।