इडिन्सन काभानीको उत्कृष्ट प्रदर्शनमा म्यानचेस्टर युनाइटेडले रोमाञ्चक जित हात पारेको छ।
इंग्लिस प्रिमियर लिगको खेलमा म्यानचेस्टरले आइतबार भएको खेलमा साउथह्याम्टनमाथि ३-२ गोलको जित हात पारेको हो।
म्यानचेस्टरले २-० गोलले पछि परेको स्थिति उल्टाउदा काभानीले दुई गोल गरे भने एक गोलका लागि पास दिए।
खेलको २३ मिनेटमा बेडनारेक र ३३ मिनेटमा वार्ड प्रोसको गोलबाट साउथह्याम्टनले २-० को अग्रता बनाएको थियो।
पहिलो हाफमा २-० गोलले पछि परेको म्यानचेस्टरका लागि ब्रुनो फर्नान्डेजले ५९ मिनेटमा गोल गरे। उनलाई गोल गर्न काभानीले पास दिए।
७४ मिनेटमा काभानीले बराबरी गोल फर्काउन सफल भए।
दोस्रो हाफको इन्जुरी टाइममा काभानीले व्यक्तिगत तथा टिमका लागि तेस्रो गोल गर्दा म्यानचेस्टरले रोमाञ्चक जित हात पार्न सफल भयो। तेस्रो गोल गर्न रास्फोर्डले पास उपलब्ध गराएका थिए।
जितपछि ९ खेलबाट १६ अंक जोडेको म्यानचेस्टर अंक तालिकाको सातौं स्थानमा उक्लिएको छ।
-1755241369.jpg)
-1746009348.jpg)
