स्पेनिस ला लिगामा बार्सिलोनाले सानदार जित हात पारेको छ।
आइतबार भएको खेलमा बार्सिलोनाले ओसासुनामाथि ४-० गोलको जित हात पारेको हो।
बार्सिलोनाका लागि मार्टिन ब्रेथवेटले २९ मिनेटमा पहिलो गोल गरे। ४२ मिनेटमा एन्टोनी ग्रिजम्यानले अग्रता दोब्बर पारे।
५७ मिनेटमा फिलिप काउटिन्होले बार्सिलोनाका लागि तेस्रो गोल गरे। उनलाई गोल गर्न ग्रिसम्यानले पास उपलब्ध गराए।
लिओलन मेसीले ७३ मिनेटमा चौथो गोल गरेका थिए। मेसीलाई गोल गर्न ट्रिन्काओले पास दिएका थिए।
जितसँगै बार्सिलोना ९ खेलबाट १४ अंक जोड्दै अंक तालिकाको सातौं स्थानमा उक्लिएको छ।
मेसीले गोल गरेपछि जर्सी फुकालेर अर्जेन्टाइन क्लब नेवेल वर्ल्ड ब्वाइजको जर्सी देखाएका थिए।
म्याराडोनाले लगाउने १० नम्बरको जर्सी देखाउँदै मेसीले उनलाई श्रद्धान्जली अपर्ण गरेका थिए।
व्यवसायिक फुटबल खेल्न युरोप आउनुअघि म्याराडोना उक्त घरेलु क्लबका खेलाडी थिए।
मेसीले पनि बार्सिलोनाको एकेडेमीमा भर्ना हुनुअघि सो क्लबबाट खेलेका थिए।
विश्व फुटबलका महान् हस्ती म्याराडोनाको गत बुधबार हृदयघातका कारण निधन भएको थियो।
-1755241369.jpg)
-1746009348.jpg)
