इटालियन सिरि 'ए' मा युभेन्ट्स बराबरीमा रोकिएको छ। युभेन्ट्सलाई शनिबार राति भएको खेलमा बेनेवेन्टो कैलसियोले १-१ गोलको बराबरीमा रोकेको हो।
खेलको २१ मिनेटमा युभेन्ट्सले मोराटाको गोलबाट अग्रता लिएको थियो।
पहिलो हाफको इन्जुरी टाइममा लेटिजियाले बेनेवेन्टोका लागि बराबरी गोल फर्काउन सफल भए।
फरवार्ड मोराटा भने दोस्रो हाफको इन्जुरी समयमा रातो कार्ड खाँदै मैदान छाड्न बाध्य भए।
खेलमा युभेन्ट्सले स्टार खेलाडी क्रिस्टियानो रोनाल्डोलाई आराम दिएको थियो।
साविक विजेता युभेन्ट्स सिजनको लिगमा पाँचौ खेलमा बराबरीमा रोकिएको हो।
लिगमा एसी मिलान ८ खेलबाट २० अंक जोड्दै शीर्ष स्थानमा छ। दोस्रो स्थानको इन्टर र तेस्रो स्थानको सासुओलोको समान १८-१८ अंक छ। चौथो स्थानको रोमा र पाँचौ स्थानको युभेन्ट्सले पनि समान १७-१७ अंक जोडेका छन्।
यता फ्रेञ्च लिग वानमा पनि साविक विजेता पिएसजी बराबरी रोकिएको छ। पिएसजीलाई बोर्दोले २-२ गोलको बराबरीमा रोकेको हो।
पिएसजीका लागि नेइमारले २७ र केनले २८ मिनेटमा गोल गरेका थिए। त्यसअघि पिएसजीका पेम्बेलेले १०औं मिनेटमा आफ्नै पोस्टमा गोल गर्दा बोर्दोलाई फाइदा पुगेकव थियो। बोर्दोका अड्लीले ६० मिनेटमा बराबरी गोल फर्काएका थिए।
लिगमा पिएसजी १२ खेलबाट २५ अंक जोड्दै शीर्ष स्थानमा छ। दोस्रो स्थानको लिलीको ११ खेलबाट २२ अंक र तेस्रो स्थानको मार्सेलीको १० खेलबाट २१ अंक छ।
-1755241369.jpg)
-1746009348.jpg)
