आगामी सेप्टेम्बर ४ देखि बंगलादेशमा आयोजना हुने साफ सुजुकी कप फुटबल प्रतियोगितामा नेपाल समूह ‘ए’ मा परेको छ।
बंगलादेशको ढाकामा बुधबार भएको सार्वजनिक ‘ड्र’ मा नेपाल आयोजक बंगलादेश, पाकिस्तान र भुटान सम्मिलित समूह ‘ए’ मा परेको हो।
यस्तै समुह ‘बी’ डिफेन्डिङ च्याम्पियन भारत, माल्दिभ्स र श्रीलंका छन्।
च्याम्पियनपसिपमा दक्षिण एसियाका ७ टोलीको सहभागिता रहनेछ। यसअघिका संस्करणमा फाइनल यात्रा तय गरेको अफगानिस्तान मध्य एसियामा सरेपछि सहभागी टोली संख्या ७ भएको हो।
अहिलेसम्म साफ च्याम्पियनसिपको सेमिफाइनल चरण पार नगरेको नेपाल पछिल्लो संस्करणमा समूह चरणबाटै बाहिरिएको थियो।
