इंग्लिश प्रिमियर लिग फुटबलमा म्यानचेस्टर युनाइटेडले संघर्षपूर्ण जित निकालेको छ । शनिबार राति भएको खेलमा म्यानचेस्टर युनाइटेडले बर्नलीमाथि १-० को जित निकाल्दै ३ अंक जोडेको हो।
बर्नलीको मैदानमा भएको खेलमा युनाइटेडलाई जित दिलाउन एन्थोनी मार्सियलले निर्णायक गोल गरे। पहिलो हाफ गोलरहित बराबरीमा सकिएको खेलको दोस्रो हाफमा मार्सियलले गोल गर्दै युनाइटेडलाई जित दिलाएका हुन्। मार्सियलले खेलको ५४ औं मिनेटमा गोल गर्दै युनाइटेडलाई महत्वपूर्ण ३ अंक दिलाए ।
यो जितसँगै युनाइटेडले शीर्ष स्थानको म्यानचेस्टर सिटीविरुद्ध अंक दुरी समेत घटाएको छ। लिगको दोस्रो स्थानमा रहेको युनाइटेडको ५३ अंक छ। शीर्ष स्थानको म्यानचेस्टर सिटीको ६२ अंक छ । चेल्सी ५० अंकसहित तेस्रो स्थानमा छ।
