नेइमार र एडिनसन कभानीले गोल गरेपछि पेरिस सेन्ट जर्मेनले फ्रेन्च लिगमा आफ्नो अपराजित यात्रा कायम राखेको छ।
घरेलु मैदानमा भएको खेलमा पिएसजीले ट्रोएसलाई २-० ले पराजित गर्दै अपराजित यात्रा कायमै राखेको हो।
पहिलो हाफमा काभानीले पेनाल्टीमा गोल गर्ने मौका गुमाउँदा गोलरहित बराबरी खेले पिएसजीले नेमार र कभानीले दोस्रो हाफमा गोल गरे।
गएरातिको जितसँगै लिग लिडर पिएसजीले शीर्ष स्थानमा १० अंकको अग्रता बनाएको छ। फ्रेन्च लिगमा यस सिजन अपराजित रहने एक मात्र टोली बनेको पिएसजीको १५ खेलबाट ४१ अंक भएको छ।
समान खेलबाट ३१ अंक जोडेको साविक विजेता मोनाको चौथो स्थानमा झरेको छ।
यता मेट्जसँग २-१ ले पराजित भएपछि लियोनले दोस्रो स्थानमा उक्लने मौका गुमायो। त्यसैको फाइदा उठाउँदै मार्से लिलेलाई ३-० ले पराजित गर्दै दोस्रो स्थानमा उक्लिएको छ।
https://www.youtube.com/watch?v=aIKGM19Ht3U
