ला–लिगामा रियल र एट्लेटीको विजयी स्पेनिस ला–लिगा अन्तर्गत शनिबार दुवै म्याड्रिड टोली, रियल र एटलेटीकोले आ–आफ्नो खेलमा जित हासिल गरेका छन्।
रियलले मालागालाई ३–२ ले पराजित गरेको हो। म्याड्रिडका लागि करीम बेन्जामाले नवौं मिनेटमा पहिलो गोल गरेका थिए। त्यस्तै, क्यासेमिरोले २१ औं मिनेटमा दोस्रो गोल गर्दै टोलीलाई अगाडि बढाए। मालागाका लागि डिएगो रोलानले १८ औं मिनेटमा बराबर गरेका थिए भने गोन्जालो क्यास्ट्रोले ५८ औं मिनेटमा रियलमा विरूद्ध अर्को बराबरी गोल फर्काए।
७६ औं मिनेटमा रोनाल्डोले पेनाल्टी मालागाका गोलरक्षकले बचाए तर रोनाल्डोले रिबाउण्ड बलमा गोल गर्दै टोलीलाई ३–२ को जित दिलाउन सफल भए।
अर्को खेलमा एट्लेटीको म्याड्रिडले लेभान्तेलाई ५–० गोलले पराजित गर्याे। एट्लेटीकोको जितमा केभिन गामेरिओ र एन्टोइन ग्रिजम्यानले २/२ गोल गरे। एट्लेटीकोको लागि सुरूआती गोल भने लेभान्तेका रोबर सुआरेजको आत्मघाती गोलमा आएको थियो।
शनिबारको अन्य खेलमा एइबारले अलाभेसलाई २–१ ले पराजित गर्यो भने रियल बेटिस र जिरोनाको खेल २–२ को बराबरीमा सकियो। ला–लिगामा बार्सिलोना शीर्ष स्थानमा छ भने भ्यालेन्सिया दोस्रो तथा एट्लेटीको म्याड्रिड र रियल तेस्रो र चौंथो स्थानमा रहेका छन्।
