पेरिस सेन्ट जर्मेन (पिएसजी) ले शनिबार राति एन्जर्समाथि ५–०को शानदार जित हासिल गरेको छ ।
नेइमार बिनानै मैदानमा उत्रिएको खेलमा एडिन्सन काभानी र किलियन एम्बाप्पे चम्किएप सानदनर जीत हात पार्दै पिएसजीले यो सिजनमा आफ्नो अपराजित यात्रालाई कायमै राखेको हो।
खेलको पाँचौ मिनेटमै किलियन एम्बाप्पेले गोल गर्दै पिएसजीलाई अग्रता दिलाएका थिए । त्यस्तै १४ औं मिनेटमा जुलियन ड्राक्सलरले पिएसजीका लागि दोस्रो गोल गरेका थिए।
त्यस्तै फ्रेन्च लिगमा आफ्नो व्यक्तिगत गोल संख्या १ सय पुर्याएका काभानीले खेलको ३० औँ र ६० औँ मिनेटमा एक–एक गोल गरे । एम्बाप्पेले खेलको ८४ औँ मिनेटमा गोल गर्दै पिएसजीलाई ५–० को फराकिलो गोल अन्तरको जित दिलाए ।
यो जितसँगै पिएसजीले १२ खेलमा ३२ अंक जोडेको छ। दोस्रो स्थानमा रहेको मोनाको २८ अंक छ। यस्तै लिगको तेस्रो स्थानको नान्टेसले २३ अंक जोडेको छ ।
