एसिसी प्रिमियर कपअन्तर्गत समूह ‘ए’ को खेलमा कतारमाथि मलेसियाले जित हात पारेको छ।
मंगलबार मुलपानी मैदानमा भएको खेलमा कतारलाई मलेसियाले ३ विकेटले पराजित गर्यो।
यससँगै मलेसिया समूहमा सबै चारै खेल खेल्दै चार अंक जोडेर दोस्रो स्थानमा उक्लिएको छ।
मुलपानी मैदानमा पानी जमेका कारण ३५ ओभरमा झारिएको खेलमा पहिले ब्याटिङ गरेको कतारले ८ विकेटको क्षतिमा २१५ रन जोड्यो।
कतारका लागि इमल लियानाजले ५६ रन र खुराम शाहजादले ४१ रन जोडे।
बलिङमा मलेसियाका रिजवान हैदर र मोहमद वाफिकले २-२ विकेट लिए।
२१६ रनको लक्ष्य मलेसियाले ७ विकेट गुमाएर पाँच बल खेल्न बाँकी छदा पूरा गर्यो।
मलेसियाका लागि सयद अजिजले ६६ बलमा ८० रन जोडे भने कप्तान अहमद फइजले ३३ रन बनाए। बलिङमा कतारका मोहमद नदिम र इक्रामुल्लाह खानले २-२ विकेट लिए।
समूहको अन्तिम खेलमा नेपालसँग खेल्नुअघि नै कतार बाहिरिएको छ। कतार लगातार तीन खेलमा पराजित भइसकेको छ।
यता मलेसियालाई अन्तिम चारमा पुग्न साउदी अरेबिया र ओमानले अंक बाड्नु पर्ने अवस्था छ। साउदी र ओमानबीचको खेलको नतिजा आए मलेसिया बाहिरिनेछ।
समूहमा नेपाल ५ अंक जोड्दै शीर्ष स्थानमा छ। दोस्रो स्थानको मलेसिया र तेस्रो स्थानको ओमानको ४-४ अंक छ। साउदी ३ अंक जोड्दै चौथो स्थानमा छ। कतारले अंक जोड्न सकेको छैन।
समूहमा नेपाल अन्तिम खेलअघि सेमिफाइनल पुगिसकेको छ। कतारलाई हराए नेपाल समूह विजेता हुने पक्का हुनेछ। यता साउदी र ओमानलाई सेमिफाइलन पुग्न जितको आवश्यकता छ।
-1756794700.JPG)
-1746009348.jpg)
