आइपिएल क्रिकेट २०२३ मा दिल्ली क्यापिटल्सले सनराइजर्स हैदारावादमाथि ७ रनको जित हात पारेको छ।
सोमबार राति हैदरावादमा भएको खेलमा पहिले ब्याटिङ गरेको दिल्लीले ९ विकेटको क्षतिमा १४४ रन जोड्यो।
दिल्लीका लागि मनिष पाण्डे र अक्षर पटेलले ३४-३४ रन जोडे।
बलिङमा हैदरावादका वासिङटन सुन्दरले तीन विकेट लिँदा भुवनेश्वर कुमारले दुई विकेट लिए।
१४५ रनको लक्ष्य पछ्याएको हैदरावादले ६ विकेटको क्षतिमा १३७ रन मात्र जोड्न सक्यो। अन्तिम ओभरमा उसलाई १३ रन चाहिए पनि दिल्लीका मुकेस कुमारले पाँच रन मात्र खर्चिएका थिए।
उसका लागि मंयक अग्रवालले ४९ रन जोडे भने हेनरिक क्लासेनले ३१ र बनाए।
बलिङमा दिल्लीका एनरिच नोर्किया र अक्षर पटेलले दुई दुई विकेट लिए। जारी सिजनमा दिल्लीको यो दोस्रो जित हो।
-1756794700.JPG)
-1746009348.jpg)
