काठमाडौंको सिनामंगलबाट दुई जना लागुऔषध पोल्यान्डसहित पक्राउ परेका छन्।
बिहीबार दिउँसो काठमाडौं महानगरपालिका–९ सिनामंगलबाट करिब ७ किलोग्राम पोल्यान्ड नामक लागुऔषधसहित दुई जनालाई नियन्त्रणमा लिएको सशस्त्र प्रहरी बलका सहप्रवक्ता एवं डिएसपी शैलेन्द्र थापाले जानकारी दिए।
खोटाङको लामिडाँडा–७ घर भई काठमाडौं–३१ गौशाला बस्ने २१ वर्षीय सागर श्रेष्ठ र चितवनको भरतपुर महानगरपालिका–५ खोलेसिमल घर भई सिनामंगल बस्ने ४५ वर्षीय लक्ष्मी परियार पक्राउ परेका हुन्।
उनीहरूले लागुऔषध किनबेच गरिरहेको भन्ने सशस्त्र प्रहरी बल इन्टेलिजेन्स ब्युरोको विशेष सूचनाको आधारमा खटिएको टोलीले पक्राउ गरेको हो।
उनीहरूबाट दुई वटा मोटरसाइकल, ६ वटा मोबाइल र केही नगद समेत बरामद भएको छ।
नियन्त्रणमा लिइएका दुबै जनालाई आवश्यक अनुसन्धान तथा कारबाहीको लागि सम्बन्धित निकायमा बुझाएको छ।
-1746009348.jpg)
