पाल्पामा रूखबाट लडेर एक जनाको मृत्यु भएको छ।
जिल्ला प्रहरी कार्यालय पाल्पाका अनुसार बगनासकाली गाउँपालिका वडा नम्बर ७ खानीगाउँका ४५ वर्षीय कमलप्रसाद भट्टराईको रूखबाट लडेर मृत्यु भएको हो।
बुधवार बिहान पौने ९ बजेतिर घर नजिकैको बारीमा रहेको रूखबाट घाँस काट्ने क्रममा लडेर उनको मृत्यु भएको प्रहरीले जनाएको छ।
जिल्ला प्रहरी कार्यालयका सूचना अधिकारी प्रहरी नायब उपरिक्षक सुनिल मल्लका अनुसार भट्टराई बुधबार बिहान घरदेखि ३ सय मिटर दुरीमा रहेको बारीमा घाँस काट्न गएका थिए।
बारीको छेउमा रहेको साजको बोटमा चढेर घाँस झार्ने क्रममा अचानक रूखबाट लडेर भट्टराईको मृत्यु भएको हो।
घटनाबारे जानकारी पाएपछि तत्काल पुगेको प्रहरी टोलीले घटनास्थलको प्रारम्भिक अनुसन्धान गरी भट्टराईको शव पोष्टमर्टमको लागि जिल्ला अस्पताल तानसेन पठाएको छ।
-1746009348.jpg)
