त्रिभुवन अन्तर्राष्ट्रिय विमानस्थलबाट ५ तोला भन्दा बढी सुनसहित एक जना पक्राउ परेका छन्।
एयर इन्डियाको उडानद्वारा दोहाबाट काठमाडौं आएका एक पुरूषलाई सोमबार बिहान विमानस्थलबाट पक्राउ गरेको प्रहरीले जनाएको छ।
चितवन भरतपुर महानगरपालिका-१२ घर भएका २५ वर्षीय संजय तामाङ पक्राउ परेका हुन्।
उनीबाट भन्सार छलेर लैजान लागेको करिब ६१ ग्राम बराबरको एक ढिक्का सुन र एउटा सुनको औठी बरामद भएको हो।
विमानस्थलको आगमन टनेल गेटमा जाँच गर्नेक्रममा प्रहरीले फेला पारेको हो।
उनीमाथि अनुसन्धान गर्न प्रहरीले त्रिभुवन विमानस्थल भन्सार कार्यालय गौचरमा बुझाएको छ।
-1742801159.jpg)
-1746009348.jpg)
