ट्रकको ठक्करबाट घाइते व्यक्तिको उपचारका क्रममा मृत्यु भएको छ।
दाङको तुलसीपुर उपमहानगरपालिका – ५ का ७० वर्षीय टेकबहादुर गिरीको बाँकेस्थित नेपालगञ्ज नर्सिङ होममा उपचार क्रममा बिहीबार दिउँदो साढे १ बजेतिर मृत्यु भएको इलाका प्रहरी कार्यालय तुलसीपुरका प्रहरी निरीक्षक प्रहरी प्रवक्ता विनोदराज खत्रीले बताए।
बिहान साढे ९ बजेतिर तुलसीपुरको वीरेन्द्र चोकवाट बसपार्क तर्फ जाँदै गरेको लु १ ख ६८९३ नम्बरको ट्रकले पैदल हिँडिरहेका गिरीलाई बिपी चोकमा ठक्कर दिएको थियो।
गिरीको बाँया हात, खुट्टा र अनुहारमा चोट लागेको थियो। गिरीको राप्ती प्रादेशिक अस्पताल तुलसीपुरमा प्रारम्भिक उपचारपछि थप उपचारका लागि नेपालगन्ज रिफर गरिएको थियो।
ट्रक चालक घोराही उपमहानगरपालिका – १४ का ४५ वर्षीय प्रेमबहादुर सुनार प्रहरी नियन्त्रणमा छन्।
व्यस्त बजारको चोकमा गिरीलाई ट्रकले ठक्कर दिएको घटनाबारे थप अनुसन्धान जारी रहेको प्रहरीले जनाएको छ।
-1742801159.jpg)
-1746009348.jpg)
