राजसंस्था पक्षधरको आन्दोलनलाई अन्तरराष्ट्रिय संस्था ‘इन्टरनेशनल डेमोक्रेसी युनियन (आइडियु)’ ले ऐक्यबद्धता जनाएको छ।
शुक्रबार आइडिउले राजसंस्था पक्षधरको आन्दोलनबारे धारणा सार्वजनिक गरी समर्थन जनाएको राष्ट्रिय प्रजातन्त्र पार्टी (राप्रपा)का प्रवक्ता मोहन श्रेष्ठले बताए।
‘नेपालमा जारी राजसंस्था पक्षधरको आन्दोलनको बारेमा आफ्नो धारणा सार्वजनिक गरेको छ। आइडियुले नेपालमा जारी राजसंस्थावादी आन्दोलनका सम्बन्धमा दृढ ऐक्यबद्धता व्यक्त गरेको छ,’ श्रेष्ठले जारी गरेको विज्ञप्तिमा भनिएको छ, ‘साथै लोकतन्त्रका मूल्य, शान्तिपूर्ण राजनीतिक अभिव्यक्तिको अधिकार र नागरिकको प्रजातान्त्रिक र मौलिक स्वतन्त्रताको संरक्षणप्रति आफ्नो अटल प्रतिबद्धता जनाएको छ।’
आइडियु मध्य दक्षिणपन्थी राजनीतिक दलहरुको अन्तर्राष्ट्रिय संगठन हो।
राष्ट्रिय प्रजातन्त्र पार्टी नेपालबाट आइडियुको सदस्य छ।
राजतन्त्र पक्षधरले जेठ १५ गते काठमाडौंमा प्रदर्शन गर्ने तयारी गरेको छ।
-1742801159.jpg)
