जितपछि प्रकाशमानले भने : ‘कांग्रेसको भूमिका जनतालाई चित्त बुझेको छैन’

सुजिता कार्की

काठमाडौं, मंसिर २३ (सेतोपाटी)

नेपाली कांग्रेसका नेता प्रकाशमान सिंहले कांग्रेसको भूमिका जनतालाई चित्त नबुझेको निर्वाचन परिणामबाट देखिएको बताएका छन्।

काठमाडौं क्षेत्र नं १ बाट विजयी भएलगत्तै सिंहले चुनावी रिजल्टको समिक्षा सुनाएका हुन्। 'कांग्रेसले राष्ट्रिय राजनीतिमा पार्टीले निर्वाह गर्ने भूमिका जनतालाई चित्त बुझेको छैन भन्ने चुनावी रिजल्टबाट देखिएको छ', उनले भने, 'कांग्रेसले गम्भीर भएर सोचेर संगठन दरिलो बनाउन र लोकतान्त्रिक मूल्य र मान्यतामा आधारित भएर संस्थागत रूपमा अगाडि बढाउने चुनौती आएको छ।'

सिंहले विवेकशील साझा पार्टीका रविन्द्र मिश्रलाई पराजित गरेका हुन्। विजयपछि सिंहले आफ्नो विरुद्ध मिडिया 'बायस' भएको बताए। 'पत्रकार ब्याकग्राउण्डको उम्मेद्वार भएकाले हो कि के हो?, नेशनल पत्रपत्रिका ‘बायस’ भएर इमेज बुस्ट गर्ने, स्याट्बलिस लिडरलाइ पोलिटिकल सिनबाट हटाउनका लागि मिसन लिए', सिंहले भने, 'प्रजातन्त्र, लोकतन्त्र र गणतन्त्रमा खुसी नभएका शक्तिको ज्वाइन्ट इफोर्ट हुदाँ पनि काठमाडौँका प्रबुद्ध मतदाताले मुकाबिला गरेर राष्ट्र र मुलुकलाई प्रतिनिधित्व गर्ने जनप्रतिनिधिलाई इलेक्ट गरेका छन्।'

प्रकाशित मिति: शुक्रबार, मंसिर २२, २०७४ १६:४०

सिफारिस