एशियाली विकास बैंक (एडीबी) को नेपाल निर्देशकमा उज्वेकिस्तानका ऊर्जा विशेषज्ञ मुख्तोर खामुदाखनोभ नियुक्त भएका छन्।
करीब सात महिनादेखि रिक्त उक्त पदमा उनलाई एडीबीका अध्यक्षले हालै नियुक्त गरेको र उनी कार्यभार सम्हाल्न काठमाडौं आइसकेका यहाँस्थित एडीबीको कार्यालयले जनाएको छ ।
इलेक्ट्रिकल इन्जिनियरिङमा विद्यावारिधि र आर्थिक नीति तथा व्यवस्थापनका साथै वित्तीय व्यवस्थापनमा समेत स्नातकोत्तर गरेका नवनियुक्त देशीय निर्देशक खामुदाखनोभ सन् २००१ देखि एडीबीमा आबद्ध छन् ।
