आफ्नो बच्चैदेखिकी साथी तथा दुई बच्चाकी आमा एन्टोनेला रोक्युजोसँग विवाहबन्धनमा बाँधिएपछि क्यारेबियाली देशमा हनिमुन मनाउन गएका विश्व चर्चित फुटबल खेलाडी अर्जेन्टिनाका लिओनल मेसीको अर्का फुटबल खेलाडी लुइज सुआरेजसँगको सम्बन्ध सबैलाई थाहा भएकै विषय हो। तर, उनीहरुको सम्बन्ध यति प्रगाढ छ, भन्ने पहिलो पल्ट उनका फ्यानहरुले थाहा पाउँदैछन्।
एन्टिगोवामा हनिमुन मनाइरहेका मेसीसँग समय बिताउन सुआरेज पनि आफ्नो परिवार बोकेर त्यतै लागेका छन्। बार्सिलोनाका यी दुई सहकर्मीका श्रीमति पनि एकअर्काबीच निकै घनिष्ट छन्।
मेसीले एन्टिगोवामा सुआरेज र उनको परिवारसँग खिचेको फोटो इन्स्टाग्राममा सार्वजनिक गर्दै भनेका छन्, ‘आश्चर्यलाग्दो भ्रमण।’
हनिमुन सकेर बार्सिलोना फर्किएपछि मेसी क्लबसँग सम्झौता नवीकरण गर्दैछन्।
