ब्राजिली मोडल बु्रना माक्र्युजिनसँग सम्बन्ध बिग्रिएको एक साता पनि नबित्दै बार्सिलोनाका ब्राजिली स्टार स्ट्राइकर नेइमार अर्की प्रेमिकासँग देखा परेका छन्। २५ वर्षीय नेइमारको २३ वर्षीय मोडल क्यारोलिन कापुतोसँग सम्बन्ध भएको ब्राजिली मिडियाले सार्वजनिक गरेका छन्।
पछिल्लो समय क्यारोलिनसँग उनको बढ्दो सम्बन्धलाई लिएर स्थानीय मिडियाले थुप्रै रिपोर्ट बनाउन पनि भ्याइसकेका छन्। उनलाई पछ्याइरहेका ब्राजिली मिडियाले नेइमार र क्यारोलिनको संयुक्त तस्बिर पनि सार्वजनिक गरेका छन्। गत आइतबार रियोको एउटा नाइट क्लबबाट बाहिर नस्किदै गरेको अवस्थामा यी दुवैको तस्बिर ग्लोबो पत्रिकाले छापेको थियो।
