विश्व च्याम्पियन जर्मनीले कन्फिडरेशन कपको सेमिफाइनल मेक्सिको र युरो विजेता पोर्चुगलको भिडन्त चिलीसँग हुने पक्का भएको छ।
गएराती समूह ‘बी’ को अन्तिम चरणको खेलमा जर्मनीले अफ्रिकन च्याम्पियन क्यामरुनलाई ३–१ ले पराजित गर्दै सेमिफाइनलको बाटो तय गरेको थियो। समूह विजेताको रुपमा अघिल्लो चरण प्रवेश गरेको जर्मनीले विहिबार मेक्सिकोसँग खेल्ने छ। मेक्सिको समूह ‘ए’ को उपविजेता हो।
यस्तै, एसियन कप विजेता अस्ट्रेलियासँग १–१ गोलको बराबरी खेलेको चिली समूह उपविजेता हुँदै सेमिफाइनल प्रवेश गरेको हो। चिली आउँदो बुधबार पोचुगलसँग भिड्ने छ। पोर्चुगल यसअघि समूह ‘ए’ को विजेता हुँदै सेमिफाइनल प्रवेश गरेको थियो।
