तेस्रो आइएमई जेटीआई ग्राण्ड जुनियर ओपन टेनिस प्रतियोगिता–२०२१ हुँदैछ। काठमाडौं स्थित मण्डिखाटार टेनिस क्लबमा यो महिनाको १७ देखि २२ गतेसम्म उक्त प्रतियोगिता आयोजना गर्न लागिएको हो।
प्रतियोगितामा भाग लिन इच्छुक खेलाडीहरूले दशरथ रङ्गशाला टेनिस कम्प्लेक्स त्रिपुरेश्वर, नेपाल टेनिस संघ सातदोबाटो, कास्की जिल्ला टेनिस संघ पोखरा, रूपन्देही लन टेनिस संघ बुटवल, मण्डीखाटार टेनिस क्लब काठमाडौं र नाउलिङ्ग सपोर्टस भिल्ला काठमाडौंबाट आवेदन फारम भर्न सक्छन्।
आइएमई फाउन्डेसनको वेभ साइटबाट पनि आवेदन दिन सकिन्छ। फारम सोही महिनाको १२ गतेभित्र बुझाइ सक्नुपर्ने बताइएको छ।
टेनिस खेलको विकास र विस्तारसँगै बालबालिकामा खेलप्रति रूची जागोस् भन्ने उद्देश्यले आइएमई फाउन्डेसनले चार वर्षदेखि यो प्रतियोगिता गर्दै आइरहेको छर
-1746009348.jpg)
