द नेपाल डिष्टिलरिज प्रालिले संगीतका पारखीहरुका लागि खुकुरी म्युजिक नेसन प्रतियोगिता आयोजना गरेको छ।
भर्चुअल सांगीतिक प्रतियोगिता आयोजना गरी द नेपाल डिष्टिलरिजले नयाँ म्युजिक स्टार चयन गर्न यो प्रतियोगिता आयोजना गरेको हो।
खुकुरी म्युजिक नेसन प्रतियोगितामा सहभागी भएका शीर्ष १६ प्रतियोगीहरुको नाम सार्वजनिक भएको थियो।
विभिन्न राउण्ड पार गर्दै अहिले शीर्ष चारमा बाँकेको प्याराडाइज ब्याण्ड, सिक्किमकी मोनिका राइ, अमेरिकामा बस्दै आएका सन्देश गुरुङ र भरतपुरका सन्तोष घले चयन भएका छन।
खुकुरी म्युजिक नेशनको फाइनल फेब्रुअरी २१ गते हुदैछ।
के भन्छन् शीर्ष चारमा परेकाहरु-
प्याराडाइज ब्याण्ड
हाम्रो सानैदेखि म्युजिकमा रूचि थियो। म्युजिकमा केही गर्ने इच्छा पनि छ। आफूलाई तिर्खान र अरुलाई इन्स्पायर गर्नका लागि हामी यो कार्यक्रममा सहभागी भएका हौं।
सन्तोष घले (चितवन)
यो कार्यक्रम म्युजिकमा रूचि राख्ने हामी जस्ताको लागि बनाइएको हो । कोरोनाका बेला यसरी राम्रो प्ल्याटफर्म पाउदाँ हामी निकै खुसी छौं।
सन्देश गुरूङ (अमेरिका)
म अहिले अमेरिका बस्छु। देशबाट टाढा भएकाले सांगितिक यात्राबाट आफ्नो देशसँग नजिक हुन पाउँदा खुसीको सिमा नै छैन। म्युजिक सम्बन्धी नयाँ ज्ञान सिक्न यो कार्यक्रममा सहभागी भएको छु।
मोनिका राई (सिक्किम)
मेरो म्युजिकमा सानैदेखि रूची थियो। पहिले देखि नेपाल आएर म्युजिक सिक्ने इच्छा थियो। त्यो नपाएपनि नेपालको सांगेतिक कार्यक्रममा भाग लिने अवसर राम्रो हो भनेर यो कार्यक्रममा भाग लिएको हुँ।
कार्यक्रमले के फाइदा पुर्याएको छ त ?
प्याराडाइज ब्याण्ड
कार्यक्रममा सहभागी भएर आफूलाई चिनाउन पाउँदा हामी निकै खुसी छौं। यस कार्यक्रमबाट हामीले हाम्रो कला देखाउन पायौं। म्युुजिक सम्बन्धि धेरै कुराको पनि ज्ञान भयो।
सन्तोष घले (चितवन)
यो कार्यक्रममा भाग लिएपछि मलाई धेरैले चिनेका छन। सबैले चिन्दा निकै खुसी भइदो रहेछ। पहिला मैले गीत गाउँछ भन्ने थाहा नहुनेलाई पनि मेरो बारेमा जान्न सहज बनाएको छ।
सन्देश गुरूङ (अमेरिका)
पहिला म घर भित्र मात्र गाउँथे। यो कार्यक्रममा सहभागी भएपछि अब बाहिर पनि गाउन सक्छु भन्ने आँट आएको छ।अब सांगितिक क्षेत्रमा केही गर्छु भन्ने उत्साह जागेको छ। यसबाट आफुलाई चिनाउने मौका पाएँ।
मोनिका राई (सिक्किम)
यसबाट मलाई धेरै मानिसले चिने। मेरो गीत धेरैले सुने। अन्य सहभागीबाट धेरे कुरा सिक्न पाएँ त्यही ठूलो कुरा हो जस्तो लाग्छ।
आगामी दिनको अपेक्षा ?
प्याराडाइज ब्याण्ड
म्युजिकमा अझै राम्रो गर्दै जाने। आफूलाई अझै निर्खादै जाने अठोट लिएको छु ।
सन्तोष घले (चितवन)
अझै सिक्ने र केही अवसर आउँदा भाग लिने सोच छ।
सन्देश गुरूङ (अमेरिका)
मलाई यहाँसम्म ल्याइदिनु भएकोमा जर्जहरूलाई धन्यवाद दिन चाहन्छु। उनीहरूले म मा केही छ भन्ने देख्नुभएको रहेछ। नेपाली सांगितिक क्षेत्रमा केही गर्ने इच्छा छ।
मोनिका राई (सिक्किम)
अपेक्षाभन्दा पनि आफ्नो प्यासनलाई फलो गर्ने मान्छे हुँ म। आफूलाई निखार्दै लैजान्छु । नजानेकुरा सिक्दै जान्छु । यस कार्यक्रममा सहभागी भएपछि अन्य ठाउँमा पनि अवसर पाउने आशा गरेको छु। मलाइ केही ठाउँबाट अफर समेत आउन थालिसकेका छन।
-1753341424.jpeg)
-1746009348.jpg)
