१ सय २ मेगावाट क्षमताको मध्य भोटेकोशी जलबिद्युत आयोजना निमार्ण गरिरहेको चिनियाँ कम्पनी ग्वान्सी हाइड्रो इलेट्रिक कन्स्ट्रक्सन ब्युरोले सय जना प्राविधिक नेपाल पठाएको छ।
उनीहरु बुधबार नै काठमाडौं आइपुगेका छन्। यस अघि आयोजना निमार्णमा ढिलाइ भइरहेको गुनासो आएपछि ग्वान्सी हाइड्रो इलेट्रिक कन्स्ट्रक्सन ब्युरोका उपाध्यक्ष हुंङ नेतृत्वको टोलीले आयोजनाको स्थलगत निरीक्षण गरेको थियो।
निर्माण कार्यलाई तीव्रता दिनका लागि चीनबाटै प्राविधिक ल्याउने निष्कर्षमा कम्पनी पुगेको थियो। हुंङ नेतृत्वको टोलीले नेपालमा काम गर्न निकै अप्ठेरो भइरहेको उल्लेख गरेको थियो।
'अब चीनबाट नै हामीले प्राविधिक टोलीसँगै कामदार पनि मगाएका छौं, आयोजनाका प्रोजेक्ट म्यानेजर लिले भने, 'अब हामी आयोजना निमार्ण गर्न युद्धस्तरमा लागि परेका छौं ।'
-1746009348.jpg)
