नेपाल आयल निगमले पेट्रोलियम पदार्थको मूल्य यथावत राख्ने निर्णय गरेको छ।
प्रत्येक १५ दिनमा भारतबाट आएको मूल्यसूचीअनुसार नेपाली बजारमा पनि मूल्य घटबढ गर्दै आएको निगमले यो पालि भने मूल्य यथाव राखिएको जानकारी दिएको छ।
निगमले प्रेस विज्ञप्ति जारी गर्दै पेट्रोलियम पदार्थको माग न्यून भएकाले भारतबाट खरिद मूल्य घटेर आएपनि मूल्य समायोजन नगरिएको बताएको छ।
लकडाउनका कारण खाना पकाउने ग्याँस बाहेक अन्य पदार्थको व्यक्तिगत प्रयोग नहुँदा माग घटेको छ। यद्यपी संस्थागत र औद्योगिक प्रयोग यथावत रहेकाले अन्तर्राष्ट्रिय बजारमा घटेको मूल्यको लाभ ती उपभोक्ताले नपाउने भएका छन्।
मूल्य बढ्दा मारमा पर्ने उपभोक्ताले घट्दा पाउने स्वभाविक लाभबाट बञ्चित हुने निश्चित भएको छ।
