राष्ट्र बैंकले बुधबार पनि बैंकहरूको प्रणालीबाट २० अर्ब रूपैयाँ खिच्ने भएको छ। राष्ट्र बैंकले ११ दिनको लागि निक्षेप तान्न लागेको हो।
मंगलबार पनि राष्ट्र बैंकले ९० अर्ब रकम खिच्न आह्वान जारी गरेको थियो। मंगलबार बैंकहरूले २.७४ प्रतिशतमा ७४ अर्ब ५५ करोड रूपैयाँ राखेका छन्।
राष्ट्र बैंकले विभिन्न मौद्रिक उपकरणमार्फत बैंकहरूमा उब्रिएको यस्तो रकम तान्ने गर्छ। त्यस्तै, पुँजी कम हुँदा बैंकहरूको प्रणालीमा पैसाको प्रवाह बढाउने गर्छ।
निक्षेप संकलन र स्थायी निक्षेप सुविधा जस्ता वित्तीय उपकरण मार्फत विभिन्न अवधिको लागि राष्ट्र बैंकले बैंकहरूबाट पैसा तान्ने गर्छ।
एक वर्षभन्दा लामो समयदेखि बैंकहरूमा पैसा थुप्रिएको छ। पैसा थुप्रिए पनि त्यही अनुसार बैंकहरूले कर्जा लगानी बढाउन नसक्दा राष्ट्र बैंकले उब्रिएको रकम तान्ने गर्छ।
राष्ट्र बैंकको तथ्यांक अनुसार मंगलबारसम्म बैंकहरूले यसरी राखेको रकम सात खर्ब ६७ अर्ब रूपैयाँ पुगेको छ।
कर्जा लगानी बढ्न नसक्दा अहिले बैंकिङ प्रणालीमा १० खर्ब २६ अर्ब हाराहारी रकम (तरलता) छ।
-1746009348.jpg)
