यी २७ कम्पनीमा कसले कति दिन सक्छन् लाभांश?

सेतोपाटी संवाददाता

काठमाडौं, साउन २५

सेयर बजारमा कारोबारमा रहेका कम्पनीहरूले गत आर्थिक वर्ष २०८१/८२ को चौथो त्रैमासिक वित्तीय विवरण प्रकाशित गरिरहेका छन्।

अघिल्लो वर्षसम्म खराब कर्जा र त्यसको लागि राख्नु परेको प्रावधानको कारण नाफा र लाभांश क्षमतामा प्रभाव परे पनि गत वर्षबाट बैंक तथा वित्तीय संस्थाहरूका यी सूचकमा सुधारको संकेत देखिन थालेको छ।

बैंक तथा वित्तीय संस्थाहरूले प्रावधान रकम घटाउन परेसँगै नाफामा गुणात्मक वृद्धिसम्म देखिन थालेको छ।

अहिलेसम्म दुई दर्जनभन्दा धेरै बैंक तथा वित्तीय संस्थाहरूले वित्तीय विवरण सार्वजनिक गरिसकेका छन्।

लाभांश क्षमता विवरण समेत सार्वजनिक गर्ने यी कम्पनीको संख्या भने २७ पुगेको छ।

यी २७ कम्पनीहरूमध्ये तीन वटाको लाभांश दिन सक्ने क्षमता देखिदैन। बाँकी २४ वटाले न्यूनतम ५.२५ प्रतिशतदेखि ३४ प्रतिशतसम्म लाभांश दिन सक्ने देखिएको छ।

सिवाइसी नेपाल लघुवित्तले सबैभन्दा धेरै ३४.६१ प्रतिशत र सिटिजन्स बैंकले सबैभन्दा कम ५.२५ प्रतिशतसम्म लाभांश दिन सक्ने देखिएको हो।

कम्पनी	वितरण योग्य नाफा रकम (करोडमा)		लाभांश क्षमता %
कम्पनी	असार २०८२	असार २०८१	असार २०८२
सिटिजन्स बैंक	७७	६१	५.२५
कुमारी बैंक	-२७९	-५३६
माछापुच्छ्रे बैंक	१०७	-३५	९.२३
सिद्धार्थ बैंक	१८६	५८	१३.२२
कृषि विकास बैंक	२८७	२१३	१८.४२
अभियान लघुवित्त	-४	-७
ग्लोबल आइएमई लघुवित्त	१७		२८
एनएमबी लघुवित्त	४		६.५८
मेरो माइक्रोफाइनान्स	११		७.९७
नाडेप लघुवित्त	-३		७.९७
समता लघुवित्त	६		१०.९१
स्वाभिमान लघुवित्त	६		३९.३२
फर्स्ट माइक्रो	१०	११	८.०२
गणपति माइक्रो	२		१३.३३
उपकार लघुवित्त	१६	१४	२२.३२
सिवाइसी नेपाल लघुवित्त	९		३४.६१
स्वस्तिक लघुवित्त	१	२	२९.६
आरएसडिसी लघुवित्त	८		७.९८
माहुली लघुवित्त	१२	२	३३.५७
कालिका लघुवित्त	६		१५.१९
हिमालयन लघुवित्त	६		१९.७६
आरम्भ चौतारी लघुवित्त	५		१३.८१
ग्रीन डेभलपमेन्ट बैंक	६		१०.६७
इन्भिनिटी लघुवित्त	८		१६.३२
सांग्रिला डेभलपमेन्ट बैंक	४१	१३	११.६४
सिन्धु डेभलपमेन्ट बैंक	-२०	-३७
कामना विकास बैंक	६०		१७.३